ഉന്നത വിദ്യാഭ്യാസ സ്കോളർഷിപ്പ്

ഓൺലൈനായി അപേക്ഷകൾ രജിസ്റ്റർ ചെയ്യേണ്ട അവസാന തീയതി: 20.03.2023

സയൻസ്, സോഷ്യൽ സയൻസ്, ഹ്യൂമാനിറ്റീസ്, ബിസ്സിനസ്സ് സ്റ്റഡീസ് വിഷയങ്ങളിൽ കേരളത്തിലെ ഗവൺമെൻ്റ് / എയ്ഡഡ് ആർട്സ് & സയൻസ് കോളേജുകളിൽ പഠിക്കുന്ന ഒന്നാം വർഷ ബിരുദ വിദ്യാർത്ഥികൾക്ക് അപേക്ഷിക്കാം. കൂടാതെ, സമാനമായ കോഴ്‌സുകൾക്ക് ഐ.എച്ച്.ആർ.ഡി അപ്ലൈഡ് സയൻസ് കോളേജുകളിൽ പഠിക്കുന്ന ഒന്നാം വർഷ ബിരുദ വിദ്യാർത്ഥികളും അപേക്ഷിക്കാൻ അർഹരാണ്. പ്രൊഫഷണൽ കോഴ്സുകൾക്ക് പഠിക്കുന്ന വിദ്യാർഥികൾ അപേക്ഷിക്കേണ്ടതില്ല.

വിവിധ വിഭാഗങ്ങൾക്കുള്ള സ്കോളർഷിപ്പുകൾ :-

എസ്.എസി/ എസ്.ടി         - 10%

ബി.പി.എൽ                           -  10%

ഒ.ബി.സി                                -  27%

ഫിസിക്കലി ചലഞ്ചിഡ്‌   -  3%

പൊതുവിഭാഗം                    -  50%

സമർപ്പിക്കപ്പെട്ട അപേക്ഷകളിൽ സ്കോളർഷിപ്പിന് തിരഞ്ഞെടുക്കപ്പെടുന്നവരുടെ അന്തിമ ലിസ്റ്റ് കൗൺസിൽ വെബ്‌സൈറ്റിൽ പ്രസിദ്ധീകരിക്കുകയും, സ്കോളർഷിപ്പ് തുക അർഹരായവർക്ക് ബാങ്ക് വഴി കൈമാറുകയും ചെയ്യും.

സ്കോളർഷിപ്പ് തുക :-

ബിരുദ പഠനത്തിന് 

ഒന്നാം വർഷം - 12,000

രണ്ടാം വർഷം - 18,000

മൂന്നാം വർഷം - 24,000

ബിരുദാനന്തര ബിരുദം 

ഒന്നാം വർഷം - 40,000

രണ്ടാം വർഷം - 60,000 

അപേക്ഷകർ ചെയ്യേണ്ടത് :-

അപേക്ഷകർ ഉന്നത വിദ്യാഭ്യാസ കൗൺസിലിൻറെ വെബ്‌സൈറ്റിൽ രജിസ്റ്റർ ചെയ്യുക.വെബ്‌സൈറ്റിൽ ലഭ്യമാകുന്ന ഫോറത്തിൽ ആവശ്യപെട്ടിട്ടുള്ള വിവരങ്ങൾ നൽകി ഓൺലൈനായി അപേക്ഷ സമർപ്പിക്കുക. സമർപ്പിച്ച അപേക്ഷയുടെ കോപ്പിയെടുത്ത് നിർദിഷ്ട സർട്ടിഫിക്കറ്റുകളുടെ പകർപ്പുകളോടൊപ്പം പഠിക്കുന്ന സ്ഥാപന മേലധികാരിക്ക് സമർപ്പിക്കുക.